|
Kynning á fellihýsum Tjaldborgar og helstu reglum um
leigu.
Fellihýsin eru af gerðinni Viking og henta vel fyrir 5
manna fjölskyldur.
Fellihýsið er leigt út með fylgihlutum svo sem
gaseldavél, gaskút, borði og 3 föstum bekkjum inni, sólarrafhlöðu
og skyggni.
Óheimilt er að aka með fellihýsið um vegleysur, óbrúaðar
ár, vegtroðninga, götuslóða, snjóskafla, ís eða aðrar
vegleysur. Ökutæki þarf að hafa viðurkenndan tengibúnað
fyrir fellihýsið.
Reykingar eru með öllu bannaðar í fellihýsinu. Ekki er
leyfilegt að vera með gæludýr.
Leiðbeiningar um notkun eru í fellihýsinu og er leigutaka
skylt að fara eftir þeim.
Leigutími er frá fimmtudegi til miðvikudags og skila þarf
fellihýsinu hreinu milli kl 10 og 16, og er það þá yfirfarið
af leigusala að viðstöddum leigutaka. Leigjandi skal ganga
vel um fellihýsið, skila því hreinu bæði utan og innan
og gæta þess að hver hlutur sé á sínum stað og
ekkert vanti.
Leigutaki ber fulla ábyrgð á fellihýsinu meðan á leigutíma
stendur og skuldbindur hann sig til að bæta það tjón sem
verða kann á leigutímanum. Fellihýsið
er kaskótryggt hjá Tryggingamiðstöðinni og tryggir það líkt
og kaskótrygging bifreiðar skemmdir á henni sjálfri. Sjálfsábyrgð er kr 76,500-
sem leigutaki greiðir ef um stórtjón er að ræða. Verði
hins vegar minniháttar tjón má leigusali gjaldfæra þann
kostnað á kortanúmer leigutaka.
|
